Atletico Madrid është një nga skuadrat spanjolle që është gjithmonë shumë e vëmendshme për të ndihmuar aty ku duhet.
Nëpërmjet fondacionit të tij aktiv, ekipi madrilen ka iniciuar një numër të madh iniciativash në shumë fronte.
Dhe këtë herë, sa herë që ndodh diçka, si ajo që ndodhi së fundmi në Turqi, Atletico është i pranishëm për të kontribuar me aq sa mundet.
Ndërsa Turqia po rimëkëmbet nga tërmetet shkatërruese në juglindje të vendit, një ndihmë e jep edhe Spanja.
Atletico de Madrid, një nga klubet kryesore në Evropë me historinë e tij të rrënjosur thellë të futbollit, do të përballet me Besiktashin, një nga klubet më të mëdha tradicionale të futbollit turk.
Dhe do ta bëjë këtë për një arsye të dyfishtë. Nga njëra anë, me rastin e 120-vjetorit të klubit të Stambollit, me të cilin Atletico ka mbajtur gjithmonë marrëdhënie shumë të mira.
Dhe nga ana tjetër, do të jetë edhe një ndeshje me sfond humanitar.
Dy klubet do të luajnë një ndeshje në Stadiumin “Vodafone Park” të Stambollit, të ardhurat e së cilës do të dhurohen tërësisht për të prekurit nga tërmeti.
Ndonëse nuk ka asnjë konfirmim zyrtar nga të dyja klubet, kjo ndeshje e veçantë, është planifikuar për t’u zhvilluar më 12 prill, sipas mediave televizive turke dhe spanjolle që kanë njoftuar lajmin.
Discussion about this post