Gjesti ndan shtratin me një vajzë tjetër, Egli fle e vetme dhe nuk i flet banorit

Drama dhe emocionet brenda Big Brother janë në kulmin e tyre, pasi një zgjedhje e thjeshtë ka shkaktuar tensione të papritura mes banorëve.

Gjatë një loje, Gjesti u ftua të zgjidhte një partner për të ndarë krevatin dhe vendimi i tij për të zgjedhur Rezartën nuk u prit aspak mirë nga Egli. E njohur për pëlqimin e saj ndaj Gjestit, Egli nuk mundi ta fshehë zhgënjimin dhe reagoi menjëherë me ironi:

“Produksioni të tha të zgjidhje,” tha ajo, duke u përpjekur të maskojë ndjenjat e saj, por tensioni ishte mëse i dukshëm për gjithë banorët.

Ky nuk është episodi i parë ku Egli shfaq pakënaqësi për afrimitetin mes Gjestit dhe Rezartës. Prej ditësh, ajo ka shprehur hapur shqetësimin se Rezarta po i afrohet shumë Gjestit, duke u ndjerë e pasigurt dhe duke u lënë të dominohet nga xhelozia.

Publiku mbetet në pritje për të parë zhvillimet e kësaj “telenovele” të re brenda Big Brother.