Presidenti i nderit i skuadrës së Kukësit, Safet Gjici ka theksuar pas fitores me Tiranën se ky triumf do ta ndihmojë ekipin verilindor për vazhdimësinë ndërsa u ndal tek punimet në stadiumin e ri.
“Kampionati është i gjatë dhe kjo fitore thjeshtë na jep besim për të ecur përpara. Jemi të kënaqur sepse mposhtëm skuadrën që po kryesonte me meritë kampionatin prej disa javësh.
Unë tashmë jam president nderi dhe për shkak të impenjimeve të mija si kryetar bashkie nuk qëndroj shumë afër skuadrës, gjithsesi kam besim te Pero Pejiç i cili sipas meje duhet të jetë më kërkues ndaj stafit dhe futbollistëve por edhe ndaj punonjësve të tjerë.
Për sa i përket stadiumit, duhet të na japin ok-in specialistët që kanë vendosur tapetin pa na dhënë ok-in ata nuk e dimë se kur do të jetë gati, për sa i përket ambienteve të tjera ata do të jenë gati pas 10 ditësh, ndërsa për fushën do të vendosin specialistët.
Stadiumi është një dhuratë e madhe për të gjithë kuksianëve pasi është një stadium modern dhe do të jetë një vlerë e shtuar për qytetin e Kukësit si shumë projekt të tjera që janë bërë së fundmi. Heronaldo apo Grenti? As djali im dhe as ai i Refik Halili nuk bëjnë si drejtues klubesh sepse janë shumë të butë”, tha Gjici.
Discussion about this post