Andre Onana ka bërë paraqitje të shkëlqyera këtë sezon duke e ndihmuar skuadrën e interit që të kualifikohet deri në gjysmëfinalet e UEFA Champions League. Paraqitjet e tij, kanë rënë në sy, të klubeve elitare të cilat tashmë kërkojnë të nisin negociatat me klubin zikaltër për ish-portierin e kombëtares së Kamerunit.
Portieri mund të largohet nga Lombardia për një shumë mbresëlënëse. Chelsea është favorit për transferimin e tij, sipas Telegraf, ndërkohë që dhe Interi tashmë e ka vendosur çmimin.
Londinezët i kanë bërë dalje Edouard Mendy dhe Onana është opsioni kryesor për ta zëvendësuar atë. Nëse duan të transferojnë portierin e Interit, ‘blutë’ duhet të paguajë 40 milionë paundë, pa iu dridhur dora.
Kjo do të ishte një marrëveshje mbresëlënëse për Interin, duke pasur parasysh se portieri u mor falas nga Ajax vitin e kaluar. Në Amsterdam, Onana performoi për shtatë vite dhe ishte portieri i skuadrës që bëri bujë në vitin 2019, duke arritur deri në gjysmëfinale të UEFA Champions League.
Onana bëri stërvitjen e tij të vogël në akademinë e Samuel Eto’os në Kamerun dhe në vitin 2010 ai kaloi te Barcelona, ku luajti deri në vitin 2015. Ndërkohë tani 20 milionë euro është pjesa e tregut të portierit kamerunas, i cili ka ende kontratë deri në vitin 2027 me Interin.
Discussion about this post