Sekretari i Përgjithshëm i Partisë Socialiste Damian Gjiknuri ka folur për mediat pas Kryesisë të Partisë Socialiste. Ai tha se sot u bë një mbledhje pune. Sipas tij, do bëhen takime të vogla elektorale në PS. Gjiknuri theksoi se PS do ta nisë fushatën elektorale 30 ditë përpara zgjedhjeve.
“U diskutua për strategjinë dhe një kalendar aktivitetesh dhe do të respektojmë kodin zgjedhore. Ishte një mbledhje punë. Nuk duam të bëjmë aktivitete masive, nuk duam që të bërtasim. Do të fillojmë aktivitetin javën tjetër”, tha ai.
Sipas Gjiknurit, pala kundërshtare e maxhorancës nuk ka strategji.
“Rublat ruse, ata janë vetë të zhytur. Strategjia jonë është e ndërtimit të të ardhmes. Pala tjetër nuk ka strategji por ka vetëm një slogan, përmbysje dhe revolucion. PS nuk do të shpenzojë në këtë fushatë. Duam të japim dhe një mesazh për zhvillimin dhe të mbjellim pemë. Ne e shohim Shqipërinë si një vend stabël që po bën progres. Pala tjetër e sheh zi”, u shpreh Gjiknuri.
Ai shtoi se PS gjithmonë ka menduar për të ardhmen, duke etiketuar sërish kundërshtarët politikë.
“Gjithmonë ka vend ka pemë, gjelbërimi e bën jetën e njerëzve edhe më të mirë. Do e bëjmë të ditur shumë shpejt edhe moton. Do i mëshojmë progresit dhe vazhdimësisë”, deklaroi Gjiknuri.
Discussion about this post