Tensionet që sa vijnë dhe shtohen brenda Partisë Demokratike duket se nuk kanë krijuar shqetësim vetëm për këtë forcë politike.Numri 2 i socialistëve, Damian Gjiknuri në një intervistë është shprehur se uron që PD të mbyll këtë konflikt të brendshëm, në mënyrë që partia e tij të ketë me kë të bashkëbisedojë.
Gjiknuri i konsideroi si bashkëpuntorë në krim Berishën dhe Bashën, duke iu referuar situatës në të cilën aktualisht po ndodhet PD-ja.Sipas tij, Bashës do t’i faturohen dështimet e opozitës ndër vite.
“Unë uroj që PD ta mbyllë këtë konflikt, sepse ne kërkojmë një palë për të bashkëbiseduar. Ka ardhur momenti që të ketë qasje më bashkëpunuese. PD-ja është në krizë, Berisha dhe Basha janë bashkëpunëtorë në krim, ku njëri është pentito dhe tjetri ka vendosur që të hakmerret. Basha do të marrë faturën si drejtues i PD për dështimet e opozitës gjatë gjithë këtyre viteve.”
Gjiknuri foli për qëndrimin e PS mbi gjithçka po ndodh në partinë kundërshtare, duke argumentuar se indiferenca vjen si panevojshmëri e tyre për të ndërhyrë në punët e opozitës.Gjiknuri në opinionin e tij shtoi se Basha dhe Berisha janë shkaktarë për shkatërrimin e opozitës, ndaj duhet të largohen të dy.
“Ne jemi indiferentë sepse nuk na takon ne të ndërhyjmë në punët e tyre, se kush do ta drejtojë PD-në. Unë këshilloj që e mira do të ishte të iknin të dy. Ata e kanë shkatërruar opozitën, sidomos këto 2 vite. Basha ka treguar një qasje më qytetare më bashkëpunuese sesa ato llogoret politike të vjetra, por ka bërë gabime politike.”
Discussion about this post