Gjiko, emri i vërtetë i të cilit është Asdren Gjikolli, ka qenë këto kohë në qendër të vëmendjes, pasi një vajzë e panjohur për publikun, e akuzon këngëtarin për mashtrim dhe për abuzim seksual vite më parë.
Edhe pse çështja ka disa ditë që po qarkullon në media, Elita ka zgjedhur të heshtë. Gjatë këtyre ditëve ajo nuk kishte bërë asnjë postim në rrjetet e saj sociale rreth kësaj çështjeje.
Ndërsa ditën e sotme, ka publikuar një video me Gjikon ku shihen bashkë në makinë teksa i puth dorën. Në këtë mënyrë ajo ka treguar gjithë mbështetjen e saj për partnerin dhe se i shumëzon me zero të gjitha akuzat në drejtim të tij.
Ndryshe nga Elita, Gjiko ka reaguar publikisht për çështjen e bujshme duke deklaruar se e gjitha kjo është një sajesë dhe se kurrë në jetën e tij nuk ka dhunuar askënd. Në një reagim në rrjetet sociale, artisti shkruante se nuk do guxonte ta bënte me një vajzë në një moshë të tillë. Po ashtu ai mohon t’i ketë premtuar dikujt se do e ndihmojë në lidhje me karrierën.
“Gjatë këtyre ditëve, unë dhe familja ime jemi duke u përballur me një të pa-vërtetë të sajuar. Unë nuk kam dhunuar askënd, e lëre me një 15-vjeçare. Nuk kam mashtruar dhe nuk kam premtuar karrierë, e as nuk i kam dhënë një të miture substanca narkotike.”
Po ashtu, një reagim lidhur me këtë çështje ka ardhur edhe nga avokati i cili ka bërë me dije se janë ngritur disa padi.
“Bëhet fjalë për dy padi civile ndaj mediumeve të shkruara në Kosovë të cilat përmes shkrimeve kanë cënuar integritetin personal të z. Gjikolli dhe jo vetëm. Andaj, z. Gjikolli ka zgjedhur që t’i përgjigjet kësaj teme përmes gjykatës dhe ne presim një gjykim efikas. Për momentin rezervohem të komentoj përmbajtjen tutje meqë palët do të njoftohen me kohë përmes aktvendimit të gjykatës kur të pajisen me shkresat ë lëndës dhe e kuptojnë se çfarë shkelje të ligjit kanë bërë”
Kjo nuk është hera e parë që Gjiko përballet me drejtësinë pasi dy vite më parë artisti i njohur shqiptar është gjobitur me 400 euro për armëmbajtje pa leje. Në 2019 ai kishte shtënë me arë në një rast familjar.
Kujtojmë që, Gjiko dhe Elita janë prej vitesh në krahët e njëri-tjetrit. Ata janë prindër të dy fëmijëve, Zërit dhe Botës, të cilët nuk hezitojnë t’i postojnë shpesh në rrjetet sociale.
Çfarëdo që të ndodhë Elita Rudi do jetë gjithnjë krah bashkëshortit të saj dhe do e mbështesë atë.
Discussion about this post