Shqipëria luan ditën e nesërme, një nga finalet e këtij sezoni, teksa në Pragë, do kërkojë tre pikët, për t’u afruar më shumë me fazën finale të Euro 2024. Takimi që do të luhet përballë Çekisë, në “Fortuna Arena” është delikat, duke parë që kuqezinjtë do të kenë përballë, një rival shumë të fortë, që është në kulmin e formës gjithashtu.
Në prag të kësaj sfide, kanë dalë në konferencë për shtyp, dy nga protagonistët e duelit të nesërm.
Trajneri i kombëtares Sylvinho dhe mbrojtësi Berat Gjimshiti, dhanë opinionet e tyre për mediat, me mbrojtësin e Atalantës që deklaroi se grupi ka 100% besim se do të bëjë një ndeshje të mirë.
Mbrojtësi Berat Gjimshiti fillimisht deklaroi:
“Besoj, duket se grupi sapo është formuar dhe është me shumë eksperiencë dhe lojtarë të rinj. Kemi besim 100%, sepse ndryshe nuk mund ti luash këto ndeshje.
Çdo ndeshje është vendimtare sepse janë 3 pikë dhe për pasojë 5 ndeshje vendimtare deri në fund. Kan lojtarë të gjatë.
Ne nuk i arrijmë afër shumë, por do shohim futbollin tonë.
Ne do kemi kujdes në lojën në ajër. Nuk është vetëm gjatësia, por ne duhet të jemi vetevetja dhe të kemi besim te vetja.”
Discussion about this post