Inter zbret në fushë këtë fundjavë në kuadër të javës së gjashtë të Serie A ku përballë do të ketë Atalantën e Berat Gjimshitit, ku Inter pritet të luajë gjithçka për të kapur kreun e kampionatit.
Ndonëse Atalanta nuk e ka nisur shumë mirë këtë sezon, ata do të bëjnë çdo gjë që të tregohen të rrezikshëm për të ndalur Interin e Inzaghit në ‘San Siro’ sa i përket rezultateve positive.
Por trajneri zikaltër fërkon duart me vazhdimësinë që skuadra e tij ka shfaqur dhe ndonëse pa Korrean e Vidalin, ai do t’i besojë Xhekos e Lautaros që të çajnë murin e formuar nga Gjimshiti, Palomino e Toloi, ndërsa Zapata do të jetë rreziku i portës së Handanoviçit.
