Edhe pse është një nga fshatrat e rëndësishëm të turizmit malor në Elbasan dhe jo vetëm, Gjinari prej vitesh nuk njeh asnjë investim nga bashkia, që sipas banorëve ka dështuar në mbajtjen e premtimeve për rehabilitimin e qendrës së fshatit dhe të rrugës.
Gjinari nuk ka përfituar asnjë investim publik gjatë viteve të fundit, që do t`i jepte mundësi banorëve të kësaj zone të zhvillonin agroturizmin. Rruga që të çonë në Gjinar është tejet e amortizuar dhe pjesë pjesë e pa asfaltuar duke e bërë të vështirë udhëtimin deri në qendër të fshatit Gjinar. Qendra është krejtësisht e amortizuar, e aspak mikpritëse për turistët. Ndonëse është premtuar shpesh nga bashkia për ndërhyrjen dhe rehabilitimin e qendërs, deri më sot nuk është kryer asnjë invstim.
Qendra e fshatit shërben shpesh edhe si treg lokal për fshatrat e tjerë të zonës së Shpatit, të cilët shesin produktetet e tyre bujësore në kushte aspak higjenike. Banorët ankohen për situatën, duke u shprehur se bashkia nuk ka mbajtur premtimet e dhëna për investime në këtë zonë, çka do t’i jepnin Gjinarit pamjen e një fshati të mirëfilltë turistik. Kjo situatë, pavarësisht pasurive të shumta natyrore që ka Gjinari, duket se infrastruktura rrugore dhe ajo e qendrës në fshat, ka ulur numrin e vizitorëve gjatë këtij viti.
