Operatori i shpërndarjes së energjisë elektrike në Gjirokastër ka ndërmarrë një aksion për evidentimin dhe goditjen e rasteve të vjedhjes së energjisë elektrike nga qytetarët.Në këtë operacion janë përfshirë dhe strukturat policore.Mësohet se gjatë disa ditëve janë kryer kontrolle të vazhdueshme, në total 436 të tilla.Si pasojë e hetimeve janë proceduar 16 abonentë, 3 nga të cilët për lidhje të energjisë në mënyrë të paligjshme dhe 13 të tjerë për abuzim me energjinë elektrike.
Aksioni nuk do të ndalet me aq, pasi mësohet se kontrolli do të vijojë dhe në ditët e ardhshme.Teksa OSHEE në Gjirokastër kujdeset të mbaj nën kontroll krizën energjitike që ka prekur shumë vende, paralelisht qytetarët ankohen për shkëputje të herëpashershme të energjisë elektrike apo për mbifaturim të qytetarëve nga ky institucion.
Discussion about this post