Teatrin Kombëtar duket se e ka zënë “syri i keq”! Një pas një, shfaqjet po anulohen për shkak të problemeve shëndetësore që kanë aktorët.
Specifikisht, 3 shfaqje janë pezulluar në Teatrin Kombëtar, për shkak se një nga aktorët është infektuar me COVID-19 dhe një prej protagonistëve të një shfaqje tjetër është aksidentuar.
Si pasojë, kjo gjë, ka sjellë shumë pakënaqësi tek spektatorët të cilët kanë paguar biletën, pasi kjo nuk është hera e parë që ju ndodh. Edhe pse kësaj here ishte një produkt i Teatrit Skampa të Elbasanit, Teatrit Kombëtar i është dashur dy herë të tjera të anulojë shfaqje për të njëjtën arsye (disa të sëmurë me COVID), duke nisur me “Fermën e Kafshëve”, pastaj edhe me komedinë “Edmond”, për shkak se u aksidentua aktori, Lulzim Zeqja.
“Vazhdon …..u bë si barcaletë…dublantet ku i keni???? Teatri Kombetar, përfaqëson një shtet nuk është teater privat” – shkruan një qytetarë.
Duke marrë shkas nga pakënaqësitë e artdashësve, për këtë gjë ka reaguar edhe drejtori i Teatrit Kombëtarë, Hervin Çuli, i cili thotë se dublantë përdorin vendet e lindjes, në teatro me reporter shumë vjeçar dhe me stafe rezidente 80 – 100 aktorë, dhe “jo si TK që ka 28 aktorë dhe kalendar të kufizuar”.
“A e shikon që është shfaqje e teatrit Skampa apo nuk shikon nga sytë???Edhe shfaqjen e teatrit Elbasanit t’a dubloje TK?!!! Ndërkohe kupton ti çdo të thotë dublant dhe kur aplikohet dublanti? Dublant e nderuar përdorin vendet e lindjes, në teatro me repertor shume vjeçar dhe me stafe aktorësh rezidentë 80 – 100 aktore, dhe jo si TK qe ka 28 aktore dhe kalendar të kufizuar. Po ti nuk e kupton dot kete, se ke nevojë që komplekset e tua ti të mos realizimit personal ti vjellesh në këtë faqe sa herë të jepet mundësia” – shkruan Hervin Çuli, drejtor i Teatrit Kombëtar, teksa i përgjigjet komentuesit.
Ndërkohë Teatri Kombëtar në një reagim, duke u kërkuar ndjesë qytetarëve për anulimin e shfaqjeve, u kërkon që të paraqiten pranë biletarisë për të rimbursuar biletën.
Discussion about this post