Parisi është tronditur nga një prej grabitjeve më të guximshme të dekadës: “Muzeu i Luvrit” është detyruar të mbyllet pasi një bandë hajdutësh arriti të vjedhë thesaret e paçmuara të kurorës franceze**, në mes të ditës, duke i shpëtuar policisë për disa minuta, sipas BBC.
Si ndodhi grabitja?
Ngjarja ndpdhi djen, mes orës 09:30 dhe 09:40, vetëm pak minuta pasi muzeu hapi dyert për vizitorët.
Katër persona të maskuar, duke përdorur një vinç mekanik të montuar në automjet, u ngjitën deri në “Galerinë e Apollonit”, me hyrje nga një ballkon pranë lumit Senë.
Dy prej tyre prenë xhamat me një sharrë elektrike portative, hynë brenda, kërcënuan rojat e sigurisë dhe thyen dy vitrinas ku ishin ekspozuar bizhuteritë. Stafi u detyrua të evakuonte vizitorët ndërsa u aktivizuan menjëherë alarmet.
Grabitësit u parë duke vepruar me qetësi, me maska dhe me lëvizje të sinkronizuara, tha ministrja e Kulturës, Rachida Dati, duke nënvizuar se bëhej fjalë për një sulm “shumë profesional” dhe “pa dhunë fizike”.
Sipas saj, plani për arratisje ishte i përgatitur deri në detaj: hajdutët u larguan me dy motoçikleta, të cilat i prisnin në pjesën e pasme të ndërtesës.
I gjithë operacioni zgjati më pak se shtatë minuta, deklaroi ministri i Brendshëm Laurent Nuñez. Ndërkohë, policia po analizon pamjet e kamerave të sigurisë për të identifikuar katër autorët.
Një dëshmitar tha se nisi “panik total” ndërsa muzeu po evakuohej dhe hyrjet u mbyllën me barriera metalike.
Çfarë u vodh?
Sipas autoriteteve, u rrëmbyen tetë objekte të shekullit XIX, të gjitha pjesë e trashëgimisë mbretërore dhe perandorake franceze , përfshirë tiara, gjerdanë, vathë dhe brosha me mijëra diamante e gurë të çmuar.
Ministria e Kulturës konfirmoi listen e gjërvat ë vjedhura:
Një tiarë dhe një broshë, që i përkisnin Perandoreshës Eugénie, bashkëshortja e Napoleonit III
Një gjerdan smeraldi dhe një palë vathë të Perandoreshës Marie Louise
Një tiarë, një gjerdan dhe një vath nga seti me safirë i Mbretëreshës Marie-Améli dhe Mbretëreshës Hortense
Brosha “Relikare”**, një pjesë ikonike muzeale
Dy objekte të tjera, përfshirë kurorën e Perandoreshës Eugénie, u gjetën të hedhura pranë skenës së krimit, të dyshuara se u rrëzuan gjatë arratisjes. Ato po ekzaminohen për dëmtime. Sipas autoriteteve, bizhuteritë e zhdukura janë “të paçmuara dhe me vlerë të pallogaritshme historike”.
A ka precedentë?
Grabitjet e artit nuk janë të panjohura për Luvrin. Rasti më i famshëm në histori mbetet vjedhja e “Mona Lizës” në vitin 1911, e cila u mor lehtësisht nga një punonjës dhe u gjet vetëm dy vjet më vonë.
Në 1998, piktura “Le Chemin de Sèvres” u vodh dhe nuk është gjetur kurrë. Kohët e fundit, Franca po përjeton një valë grabitjesh në muzeume:
Muajin e kaluar u vodhën porcelanë të ndryshëm me vlerë 9.5 milionë euro në Limoges
Në 2024 u zhdukën shtatë objekte me vlerë të madhe nga muzeu Cognacq-Jay në Paris
Po atë vit, një tjetër bandë grabiti muzeun Hieron, duke qëlluar me armë përpara arratisjes
Hetimet vazdojnë , ndërsa Luvri premton rihapjen sa më shpejt, por ngjarja ka hapur debat të ri mbi sigurinë e muzeve franceze dhe tregtinë e zezë të artefakteve.
Discussion about this post