Policia po vazhdon të mbledhë prova dhe materiale për ngjarjen e tmerrshme që ndodhi në Greqi, ku një biznesmen që kishte lidhje edhe me shqiptarët u vra në shtëpinë e tij. Giannis Skaftouros është biznesmeni 55-vjeçar grek, një emër i njohur në botën e mafies, i cili u vra ditën e sotme teksa festonte Pashkët me familjen, ndërkohë që mbeti e plagosur vajza e tij 22-vjeçare.
Skaftouros ishte një emër i njohur për autoritetet pasi kishte qenë i dënuar për disa vepra të ndryshme penale ndërsa kishte lënë qelinë dy vite më parë. Policia ka nisur hetimet për zbardhjen e atentatit mafioz dhe kapjen e autorëve.
Giannis kishte dy vajza, njëra prej të cilave mbeti e plagosur sot. Motra e saj ka bërë një reagim duke thënë: “Ne jemi mirë. Gjithçka keni mësuar është e vërtetë, mos na shqetësoni”, u shpreh ajo.
Deri më tani është gjetur një nga motoçikletat që përdorur nga autorët për kryerjen e krimit, pasi ajo shfaqi defekt gjatë arratisjes. Sipas raportimeve, autorët u larguan me dy motoçikleta. Dy prej tyre u detyruan ta braktisin motomjetin e tyre në kryqëzimin Hassia-Stefani dhe tentuan të largoheshin me një makinë, por pa sukses. Sipas policisë ata u morën me automjet nga bashkëpunëtorët e tyre ose u futën në pyll për të humbur gjurmët nga policia.
Discussion about this post