Mbrëmja e kësaj të hënë vulosi kreun e ri të PD-së në degën e Shkodrës. Demokratët i besuan votën kandidatit Gjenarin Kapcari. Përballë tij garonin Arben Lushaj, Emiljano Çekini, Elvis Deda dhe Vildane Gushta. Dy kandidatë të tjerë u tërhoqën nga gara një ditë para procesit. Në një prononcim për mediat, Kapcari tha se gara ishte e ngushtë mes kandidatëve.
“Jam shumë i gëzuar për rezultatin. Gara ishte shumë e ngushtë. Anëtarësia ju përgjigj thirrjes sonë për pjesëmarrje. Kemi shumë punë përpara. Nga nesër duhet të fillojmë të përgatitemi për Kuvendin e 30 prillit. Qëllim im është vetëm bashkimi i PD, nëse nuk bashkohemi nuk mund të vijmë në pushtet”.
Sesi do të zgjidhet çështja e dy kryetarëve të PD në Shkodër, ai tha se në vijim do të zgjidhet dhe ajo punë.
“Sot po festojmë fitoren tonë, në ditët në vijim do ta zgjidhim dhe atë punë.”
Rezultati i votimit
-Gjenarin Kapcari 792 vota
-Arben Lushaj 629 vota
-Vildana Gushta 171 vota
-Elvis Deda 54 vota
Discussion about this post