Ministri i Drejtësisë, Ulsi Manja, ka treguar ditën e sotme se drejtoria Antikorrupsion ka nisur hetimet për drejtoreshën e hetimeve në Durrës. Ai ka thënë se drejtoresha e këtij institucioni i ka vënë gjobë 33 milionë lekë një biznes pa kryer më parë kontrolle fizike në të. Ankimuesi pretendon se Tatimet i kanë vendosur gjobë për hakmarrje, pasi ky i fundit kishte kërkuar më parë llogari për një gjobë 10 milionë lekë, që gjithashtu i ishte vënë pa të drejtë.
“Rasti i fundit që kam menduar të ndaj me ju sot i përket Drejtorisë Rajonale të Tatimeve në Durrës. Kemi rekomanduar tek Drejtoria e Përgjithshme e Tatimeve fillimin e ecurisë disiplinore për Drejtoreshën Rajonale të Tatimeve Durrës D.T, Përgjegjësin e Sektorit D.XH dhe inspektorin B.L. Këta persona në bashkëpunim me njëri tjetrin kanë gjobitur pa kontroll fizik, pra nga zyra, me një shumë 10 milionë lekësh një subjekt në Qerret. Subjekti, me të drejtë, pas këtij veprimi ka kërkuar të drejtën e tij duke u ankuar edhe në Drejtorinë Antikorrupsion në Ministrinë e Drejtësisë.
Pasi specialistët tanë kanë nisur verifikimet, nga tre të lartpërmendurit ka mbërritur ajo që unë po e quaj hakmarrje ndaj subjektit; sërish pa asnjë kontroll fizik, nga zyra, I kanë vënë një tjetër gjobë prej 33 milionë lekësh. Një abuzim I pastër, arrogant madje me pozicionin e besuar nga shteti për t’i shërbyer qytetarëve”, tha Manja. Ndërsa ankimuesi pretendon se ky institucion vepronte në këtë mënyrë me disa biznese që kishte piketuar dhe drejtoresha firmoste gjobat nga zyra pa asnjë provë.
Discussion about this post