Gjobë protestuesve në Korçë, Spaho-Ballës: Jeni në krah të oligarkëve

Ministri i Brendshëm Taulant Balla ishte sot në Komisionin e Ekonomisë ku po bëhet shqyrtimi i projektligjit ‘Për Policinë e Shtetit’.

Gjatë diskutimeve, deputeti i PD Edmond Spaho i tha ministrit se sot disa fermerë që protestuan në Korçë, u gjobitën me 1 milion lekë secili. Ai shtoi se fermerët nuk do të arrijnë dot t’i bëjnë paratë për të shlyer gjobën.

“Policia u vuri gjobë 1 milion lekë të vjetra që nuk i mbledh dot, kjo është të jesh në krahun e oligarkëve. Ju do duhej t’ia ngrini këto çështje kryeministrit dhe t’i thonit që të mendojë pak edhe për hallexhijntë e vendit”, u shpreh Spaho.

Balla tha se policia ka bërë punën e saj, pasi protestuesit kishin bllokuar rrugën. “Nuk mund të bllokohet rruga nga askush, dhe policia po bën detyrën e saj”, iu përgjigj Balla.