Avokati Genc Gjokutaj ka komentuar mbrëmjen e sotme lidhur me urdhër-ndalimin dhe shpalljen në kërkim ndërkombëtar të ish-zv.kryeministrit Arben Ahmetaj.
Gjokutaj është shprehur se Ahmetaj e di se rrezikon të qëndrojë në një nga vendet e Europës dhe për t’u siguruar ai mund të ketë shkuar në një nga vendet arabe ose aziatike.
“Thuhet se ai është në Angli por unë mendoj se ai nuk është atje, edhe pse avokatët tregojnë ku është dhënia e vendndodhjes jep një lehtësi për ta arrestuar nëpërmjet shkresave dhe ndihmave juridiksionale mes Shqipërisë dhe Britanisë së Madhe.
Ahmetaj do të dalë në kërkim nga Interpol Tirana dhe do të pritet nëse ai do të gjendet diku në pikat e kalimit kufitar ose portat hyrëse të europës. Këtu flitet për një person i cili i ka marrë masat më para dhe nëse ai është jashtë BE-së dhe tenton të futet pikaset menjëherë dhe se nuk mundet që mos të dijë se do të pikaset nga lëvizjet lart e poshtë.
Sipas mendimit tim ai ndodhet ose në një nga shtetet arabe, Katar ose aziatike vendet ku mund të rrijë sa të dojë dhe i pa shqetësuar”, tha Gjokutaj.
Discussion about this post