Kandidati për deputet i Partisë Demokratike në qarkun e Lezhës, Gjin Gjoni tha se manipulimi i zgjedhjeve nga Rama, ka kaluar çdo lloj parashikimi.
Madje, sipas tij ka kaluar edhe parashikimet e vetë kreut të qeverisë. Më tej, problematike dhe fenomen mjaft i përhapur edhe në Lezhë thotë Gjoni, është shit-blerja e votës, apo intimidimi i zgjedhësve.
“Çështja e manipulimit të zgjedhjeve nga ana e Partisë Socialiste ka kaluar çdo lloj parashikimi. Pasi, sipas parashikimit të Ramës që duhet të shkonte 78 mandate, por siç duken edhe shifrat tani kanë shkuar 83 mandate.
Në qarkun e Lezhës, nga informacionet që po vijnë dita-ditës, blerja e votës është një fenomen shumë i përhapur, do të thoja në një masë shumë të madhe. Dhe po të shohësh, deputetë pa asnjë lloj lidhje me zonat, rezultojnë që marrin vota në zonat që nuk kanë qenë asnjëherë të vetme. Tregon që element të pushtetit qendror dhe pushtetit lokal, lidhur me njerëzit e inkriminuar të zonës, kanë realizuar që të përmbysin rezultat për shkak të mekanizmave të intimidimit ose për shkak të ofrimeve të vendit të punës ose për shkak të shit-blerjes së votës”, tha Gjoni
Discussion about this post