Ka vijuar edhe pasditen e sotme debati në lidhje me gjuhën e përdorur në Kuvend. Kreu i PD-së, Lulzim Basha tregoi në sallën e Kuvendit audion e një bisede, sipas tij, të zhvilluar mes Ramës dhe një qytetari. Sipas Bashës, Rama ofendon një qytetar krejtësisht të pambrojtur.
Debati që dëgjohet në audio:
Edi Rama: Po ça vodha mo të …, mor maskara, mor zagar, çfarë vodha unë mor qen?
Qytetari: Që nga teatri
Edi Rama: O rrugaç
Qytetari: Unë rrugaç apo ti që shan?
Edi Rama: Flet me atë sheh në Francë mor maskara
Qytetari: Maskara je ti që vjedh
Edi Basha nuk sqaron se kur është regjistruar audio dhe as në çfarë rrethanash është kryer ajo bisedë.
Më tej Basha ka thënë se kryeministri i vendit përdor fjalor banal dhe nuk mund ta ulë më shumë veten se kaq. Ai gjithashtu e ka akuzuar se Ramën duke thënë se është kopjac i Enver Hoxhës.
“Ky në këtë moment ishte kryeministri i vendit. Mjafton të shkruash në Google Edi Rama fjalor banal dhe të shikoni se çfarë fjalor përdor ky. Ky është fjalori i këtij që sot thotë nuk e ul dot veten. Ku ta ulësh më shumë veten se sa e ke ulur? Ti kënaqesh duke i shkaktuar qytetarëve vuajtje pa fund. Si në çdo akt tjetër të jetës tënde, je kopjac i Enver Hoxhës. Sadizimi politik ishte sistemi që mbante Enver Hoxha për të terrorizuar shqiptarët. Këto janë vegla jote për të nënshtruar mendjet e lira dhe për të zhvendosur boshtin e një shoqërie tek anormaliteti, tek banaliteti, tek masakrimi i dinjiteti njerëzor që të ka qëndruar në një rreze prej 50 cm. Ndonëse e ke filluar si çirak ja ke kaluar çdo ustai këto 30 vite” – ka thënë Basha.
Discussion about this post