Zbarkimi i Ksavi Hernandez tek skuadra e Barcelonës në rolin e trajnerit ka entuziazmuar të gjithë në kapin katalanas duke filluar nga tifozët e deri tek drejtuesit. Legjenda e klubit blaugrana kërkon të rikthejë skuadrën në rrugën drejt trofeve dhe të lërë pas krizën që e ka kapluar skuadrën në edicionet e fundit. Problemet ekonomike natyrisht që do ta vështirësojnë punën e trajnerit të ri i cili duhet fillimisht të punojë me organikën që ka në dispozicion.
Mediat katalanase nënvizojnë se dëshira e madhe e trajnerit është të firmos me yllin e Liverpoolit, Muhamed Salah. Egjiptiani nuk ka rinovuar ende kontratën me anglezët për shkak të ngërcit mes palëve. Sulmuesi ka pretendime të larta ekonomike të cilat refuzohen nga drejtuesit e klubit. Në merkaton dimërore është shumë e vështirë të arrihet akordi teksa palët pritet të gjejnë gjuhën e përbashkët në fundin e sezonit. Tek Barcelona, Salah do të formonte sulmin me Fati dhe Dembele.
Discussion about this post