Gjykata e Lartë ka refuzuar për të disatën herë rekursin e ish-ministrit të Mjedisit Lefter Koka, i cili kërkonte një masë sigurie më të butë sigurie se ajo e arrestit me burg.
Ish-ministri kishte kërkuar përmes avokatëve të tij mbrojtës, ndryshim të masës “arrest në burg” të Apelit të Posaçëm të datës 02 janar, por Gjykata e Lartë nuk pranoi rekursin, duke lënë në fuqi masën “arrest në burg”.
Lefter Koka akuzohet nga SPAK për shpërdorim detyre, korrupsion dhe pastrim parash. 57-vjeçari që ishte ministër i Mjedisit nga viti 2013 deri në 2017 në mandatin e parë të qeverisë Rama gjatë koalicionit me LSI-në, ka qenë më herë deputet dhe kryetar i bashkisë së Durrësit. Ai u arrestuar për aferën e inceneratorët të Fierit, për të cilin përfundoi në pranga dhe ish-deputeti socialist Alqi Bllako.
Discussion about this post