Gjykata e Lezhës ka dhënë ditën e sotme masën e sigurisë “arrest me burg” për Nikollin Markun dhe Mark Lamkjan. Këta dy shtetas akuzohen se planifikuan vrasjen e Preng Palucës, ngjarje e cila u parandalua nga policia. Paluca u planifikua të eleminohej përmes minave të telekomanduara. Ndërkohë e gjithë skema ishte ndertuar nga Hektor Sadiku, Edmir Vlashi dhe Mark Lamkja, të cilët kanë planifikuar situatën e ekzekutimit të shenjestrës së tyre në lokalin e vjehërrve të tyre, Nikoll dhe Marie Marku.
Dyshohet se shkak për këtë tentativë vrasjese është bërë rivaliteti mes grupeve kriminale që kanë prishur pazaret e drogës në Belgjikë dhe Spanjë. Ndërkohë autorët kanë rënë në gjurmët e policisë, për shkak se ishin në përgjim për një tjetër çështje që lidhej me trafikun e lëndëve narkotike. Autorët nuk kanë treguar kujdes gjatë bisedave telefonike, duke zbuluar emra dhe detaje të planit të tyre, gjë që çoi dhe në parandalimin e atentatit.
Discussion about this post