Gjykata e Lezhës ka caktuar masën e sigurisë ‘arrest me burg’ në mungesë, për gjashtë personat që akuzohen si të përfshirë në vrasjen e biznesmenit Ardian Nikulaj. Ata akuzohen për dy vepra penale, ‘vrasje për gjakmarrje’ e ‘vrasje e kryer në bashkëpunim.’
Vrasja e Nikulajt u zbardh një ditë më parë. Policia e Shtetit doli me një deklaratë zyrtare ku njoftoi se gjithçka ishte planifikuar nga vëllezërit Lekstakaj, me të cilët Nikulaj ishte në hasmëri që prej vitit 1997.
Dyshohet se Lekstakajt kishin paguar një skuadër të huajsh për të ardhur për të kryer vrasjen. Sipas të dhënave të PSH-së, në rolin e ekzekutorit ishte portugezi Ruben Saraiva, ndërsa katër britanikë ishin vëzhgues.
Ata janë identifikuar si: Harry Simson, Thomas Mithan, Steven Hunt dhe Harriet Bridgeman. I gjithë ekipi menaxhohej nga Edmond Haxhia, djali i dajës i vëllezërve Lekstakaj. Por, deri më tani asnjë prej të përfshirëve nuk janë arrestuar.
Të gjithë janë larguar nga Shqipëria dhe nuk dihet ku kanë shkuar saktësisht. Nga ana tjetër, vetë vëllezërit Lekstakaj ndodhen në Britaninë e Madhe.
Discussion about this post