Laert Haxhiu mund të ekstradohet shumë shpejt në Shqipëri.
Burime nga Ministria e Brendshme, e cila po ndjek rastet e ekstradimeve te personave me rrezikshmëri te larte dhe korrupsion, konfirmuan se Gjykata e Apelit te Janinës ka dhënë vendim pozitiv për ekstradimin e Laert Haxhiut.
“Për ekstradimin e Haxhiut, Gjykata e Shkallës së Dytë të Janinës propozoi pozitivisht. Por Haxhiu ka të drejtë, sipas legjislacionit grek, të kërkojë shqyrtimin e ekstradimit të tij nga Gjykata e Lartë”.
Haxhiu rezulton i dënuar me 18 vite burg nga Gjykata e Lushnjes për vrasje në rrethana të tjera cilësuese mbetur në tentativë.
Gjithashtu ai është në proces gjyqësor edhe në Gjykatën e Posaçme për masakrën e Lushnjes. Së fundmi Haxhia akuzohet edhe nga prokuroria e Elbasanit, për të paktën 6 vrasje të ndodhura gjatë viteve 2021-2022. Laert Haxhiu u përfaqësua në Athinë nga avokati Detar Hysi dhe dy juristë grek, të cilët më herët kanë mbrojtur interesat ligjore të Bledar Jambellit i akuzuar si autor i vrasjes së Artan Cukut.
Së fundmi emri i tij ka dalë sërish në skenë pas dëshmisë që ka dhënë i arrestuari Artan Tafani. Sipas Tafanit, Haxhiu kishte planifikuar të eliminonte fizikisht edhe prokuroren e posaçme Doloreza Musabelliu.
Dy muaj më parë gjykata e Janinës, refuzoi ekstradimin e Haxhiut, duke mos pranuar kërkesën e homologëve shqiptar.
Discussion about this post