Gjykata jep masën për shqiptarin që tentoi të përdhunojë të miturën

Gjykata Themelore në Prizren ka caktuar masën e paraburgimit për një muaji, për shqiptarin i cili dyshohet se ka tentuar të dhunojë një të mitur.

Në njoftimin e Gjykatës bëhet e ditur se rasti ka ndodhur më 9 nëntor, ku i dyshuari e ka kapur për krahu të miturën, duke i thënë se nuk do t’i bëjë asgjë.

“Më datë 9 nëntor 2021, në orët e pasdites tenton të kryej aktin seksual duke e kapur për krahu të miturën e ndalon dhe i drejtohet me fjalët “ndal se nuk të bëjë asgjë dhe duke i thënë ‘’mos bërtit’’ dhe e prek në pjesët të trupit duke tentuar ta dhunojë seksualisht”, thuhet në njoftim.

Lidhur me këtë rast të enjten ka dhënë detaje Drejtoria Rajonale e Policisë në Prizren. E mitura ka raportuar në polici se ishte duke u kthyer nga shkolla, kur një person i panjohur ka tentuar ta dhunojë.

I dyshuari i moshës 30-vjeçare është qytetar i Shqipërisë, me qëndrim të përkohshëm në Prizren.