Gjykata Kushtetuese rrëzoi sot kërkesën e 30 deputetëve të opozitës, të cilët kërkonin një interpretim të nenit 73 të Kushtetutës, lidhur me masat kufizuese që mund të ndërmerrte SPAK ndaj një ligjvënësi pa qenë e nevojshme që të kërkohej një autorizim nga Kuvendi.
Një ditë përpara se Kuvendi të marrë në shqyrtim dhe të votojë relacionin e Këshillit të Mandateve që i çeli dritën jeshile SPAK për të vendosur një masë arresti (burg ose shtëpi) ndaj ish-Kryeministrit Sali Berisha, Kushtetuesja njoftoi se kërkesa nuk plotësonte kriteret për tu marrë në shqyrtim.
Lidhur me qëndrimin e Kushtetueses kanë reaguar dy deputetë të PD-së, Albana Vokshi dhe Flamur Noka, të cilët edhe kanë firmosur kërkesën drejtuar kësaj Gjykate.
Deputetja Vokshishprehet se Gjykata Kushtetuese ka dështuar në kryerjen e funksionit të saj, duke thelluar skandalin në kuadër të një lufte të paprecendetë opozitës, opozitarizmi, parlamentit dhe parlamentarizmit.
Ajo solli në vëmendje edhe rastin e Salimir Tahirit, ndaj të cilit parlamenti nuk autorizoi arrestimin e tij, por autorizoi vetëm heqjen e të drejtave të njeriut dhe kontrollin e banesës.
“Kërkesa që ne i bëmë Gjykatës Kushtetuese ishe interpretimi i marrjes së kompetencave të Parlamentit. Intersi është interes publik pasi ne 30 deputetë të Kuvendit të Shqipërisë, ashtu siç e përcakton Kushtetuta, ku thuhet se kërkohen 28 deputetë për të vënë në lëvizje Gjykatën Kushtetuese për çdo çështje që ne e konsiderojmë me interes të publikut.
Në librin e Sokol Sadushit, në njërin prej kapitujve, sqaron në mënyrë shteruese sepse kategoritë e përcaktuara nuk kanë nevojë të legjitimohen para Gjykatës Kushtetuese sepse Kushtetuta i ka dhënë një status të privilegjuar, duke konsideruar që 28 deputetë nuk do trajtojnë një çështje personale apo private por çdo çështje me interes publik.
Në këtë rast Gjykata Kushtetuese ka refuzuar të kryejë detyrën dhe funksionin e saj, pasi të gjithë qytetarët edhe unë, kanë shpresuar më në fund kjo gjykatë do ta bënte por sot kjo gjykatë sot dështoi të kryente detyrën dhe funskonin e saj.
Akoma më tepër ka thelluar një skandal në kuadër të një lufte të paprecendetë opozitës, opozitarizmi, parlamentit dhe parlamentarizmit, nuk ka kryer funksionin e saj për të sqaruar a është parlamenti në konflikt me rastin e Sali Berishës pasi në rastin e Saimir Tahirit ka vepruar dhe ka kryer kopetencën e tij, duke theksuar se për rastin e Saimir Tahirit, nuk është autorizuar arrestimi i tij, por ka autorizuar vetëm heqjen e të drejtave dhe lirive si dhe kontrollin e banesës”, tha Vokshi për emisionin “Task Force”..
Ndërsa deputeti Noka me ironi shkruan në rrjetet sociale, se po nuk firmosi Rama dhe Linda e Parlamentit, asnjë kërkesë nuk ka legjitimitet, për Kushtetuesen.
“Gjykata Kushtetuese e Narkoshtetit: Po nuk firmosi Rama dhe Linda e Parlamentit, asnjë kërkesë nuk ka legjitimitet.
Ju deputetë që nuk përfaqësoni Rilindjen nuk legjitimoheni pasi sipas GJK nuk përfaqësoni as popullin as Kuvendin…
Drejtësia e Re Politike …’, shkruan Flamur Noka.
Discussion about this post