Ergys Tako është trafikanti i cili u arrestua më datë 17 gusht të këtij viti, ndërsa tani është lënë i lirë, pasi Gjykata e Sarandës ka caktuar masën e sigurisë “arrest shtëpie”. 28- vjeçari me banim në fshatin Uruc të Peqinit merret me shpërndarjen e lëndëve narkotike të llojit “cannabis sativa” të cilën e ambalazhon në banesën me qira në Lagjen Nr.4, Rruga “Ismail Qemali” Sarandë.
Ndërsa sipas vendimit të dhënë nga gjyqtari Alban Vecani, thuhet se i riu ishte përdorues i lëndës narkotike, referuar aktit të ekspertimit toksikologjiko-ligjor datë 09.09.2021. Sipas vendimit të gjyqtarit, nuk rezulton ndonjë rrethanë e dukshme që personi nën hetim të mund të largohet apo t’i fshihet ose shmanget përgjegjësisë penale. Megjithatë gjykata vlerëson se dhe nëpërmjet masës me karakter shtrëngues siç është ajo e “arrestit në shtëpi” përsëri sigurohen nevojat e sigurimit.
Kujtojmë se në momentin e arrestimit, më datë 17.08.2021 Takos i është gjetur një kuti me ngjyrë të kuqe brenda së cilës gjenden 16 doza të mbështjella me letër alumini dhe në brendësi të tyre ka lëndë bimore në formë boçesh nga ngjyra aroma e dyshuar lëndë narkotike cannabis sativa dhe një paketë në brendësi të së cilës është ka lëndë bimore në formë boçesh për nga ngjyra aroma e dyshuar lëndë narkotike cannabis sativa.
Në ambientet e Komisariatit lënda është peshuar dhe bazuar në Procesverbalin e peshimit të provës materiale datë 17.08.2021 ka rezultuar se kishte një sasi prej 33.0 gram së bashku me ambalazh. A.L / gijotina.com
Discussion about this post