Kryetari i gjykatës së Apelit në Shkodër, Fuat Vjerdha, ka ngritur sërish shqetësimin për numrin e madh të çështjeve që kanë mbetur stok për shkak edhe të shkarkimeve nga reforma në drejtësi.
Vjerdha shprehet se çështjet civile si në Gjykatën e Shkodrës, Durrësit apo Tiranës shqyrtohen në një hark kohor prej tri vitesh për shkak të mbingarkesës
Ai shtoi së përparësi i jepet më shumë çështjeve penale të cilat përfundohen brenda afateve ligjore.
“Nëse jeni vetëm avokatë penalistë jeni me fat se çështjet tuaja gjykohen brenda afateve ligjore qoftë për të pandehurit, qoftë për të pandehurit e arrestuar. Por sa i takon çështjeve civile kemi problem, vonesa. Në gjykatën e Apelit Shkodër pritet 3 vjet. Po kështu më shumë në Durrës e në gjykatën e Apelit Tiranë”- u shpreh Vjerdha.
Deklarata u bë në një takim të thirrur nga shoqata e avokatëve penalistë me temë drejtësinë penale në Shqipëri. Me propozimin e fundit të ministrit të drejtësisë Ulsi Manja për hartën e re gjyqësore nga 6 gjykata Apelit, që janë aktualisht propozohet vetëm një në Tiranë, dhe po mendohen shkrirja e gjykatës së Apelit në Korçë, Durrës, Gjirokastër, Vlorë, Shkodër.
Discussion about this post