Seanca gjyqësore ndaj Hysni Gucatit dhe Nasim Haradinaj e cila nisi rreth një orë më parë është ndërprerë për shkak të problemeve teknike. Ndërprerja e seancës ndodhi në momentin që nisi leximi i aktakuzës.
Prokurori i Dhomave të Specializuara në Hagë, gjatë leximit të aktakuzës ka paraqitur faktet, që sipas tij, kanë lidhje me procedurën zyrtare të Dhomave të Specializuara dhe hetimeve të ZPS-së.
Gjatë leximit të aktakuzës, prokurori tha se nga 7 deri në 25 shtator të 2020 Hysni Gucati, Nasim Haradinaj, Faton Klinaku dhe Tomë Gashi shpërndanë në publik pa autorizim informacione konfidenciale dhe inkurajuan edhe të tjerët të bëjnë shpërndarjen e këtyre informacione.
“Kjo sjellje tregon qartë edhe motivimin e tyre për të penguar dhe dëmtuar procedurat e Dhomave të Specializuara”, tha prokurori në fjalën e tij.
Prokurori i ZPS-së përmendi edhe deklaratat e Gucatit dhe Haradinajt ku tha se publikisht konfirmuan se u kanë dhënë kopje të dokumenteve të nxjerra gjatë herës së parë edhe përfaqësuesve të shtypit
