Gjyqi i Salianjit, caktohet gjyqtarja e çështjes

Është caktuar gjyqtarja e çështjes, të njohur tashmë si “Babalja”. Gjyqtarja e kësaj çështjeje është caktuar Elona Toro. Çështja penale u shortua mes gjyqtarëve Genti Shala dhe Elona Toro.

Salianji ka kërkuar përjashtimin e relatoren Edlira Petri më herët nga seanca. Kjo pasi sipas tij, ajo ka lidhje familjare me të gjithë personat që janë palë në gjykim.

“Përjashtimi i Petrit ka të bëjë me papajtueshmëri ose lidhje familjare me personat që janë palë në gjykim. Shkak për përjashtimin, pasi bashkëshorti i saj Sokol Sadushi ka shqyrtuar në Gjykatën e Lartë një rekurs të bërë nga palët”, tha Salianji disa ditë më parë.

Të njëjtën kerkesë, për përjashtimin e gjyqtares Petri ka paraqitur, edhe Indrit Sefa, avokati i gazetarit Jetmir Olldashi. Sefa tha se klienti i tij ka konflikt interesi me këtë gjyqtar.

Kujtojmë se Salianji denoncoi më herët lidhjet e pretenduara sipas tij të vëllait të Fatmir Xhafës, Geronit, me krimin e organizuar. Por lidhur me denoncimet e tij u hap një hetim penal me kallëzimin e Agron Xhafajt, ku Salianji akuzohet për shpifje.

Salianji u dërgua me 1 vit burg nga Gjykata e Shkallës së Parë, ndërkohë që të gjithë prokurorët dhe gjyqtarët që kanë pasur në shqyrtim çështjen, janë shkarkuar nga organet e Vetingut.

Njoftimi:

Në vijim të komunikimit, mbi çështjen penale me të pandehur Jetmir Olldashi dhe Ervin Salianji, akuzuar për kryerjen e veprës penale “Kallëzim i rremë” i kryer në bashkëpunim, parashikuar nga nenet 305 dhe 25 të Kodit Penal, viktim/kallëzues i veprës penale, shtetasi Geron (Agron) Xhafaj,  Gjykata e Apelit të Juridiksionit të Përgjithshëm, ju informon si më poshtë:

Sot më datë 16.03.2023, çështja penale e lartpërmendur u shortua midis dy anëtarëve të trupit gjykues të përbërë prej gjyqtarëve Genti Shala dhe Elona Toro.