Bashkëpunëtor i drejtësisë, Ervis Bardhi, ka dëshmuar në ditën e sot në procesin që po zhvillohet ndaj Ardian Çapjas, i akuzuar për vrasjen Gentian e Nezir Beqirit.
Ai ka dëshmuar para trupës gjykuese për më shumë se tre orë. Me shenja pendese ai ka treguar se si ishte njohur me Gentian Beqirin në burgun e Peqinit, marrjen e porosisë për ekzekutimin e tij nga Ardian Çapja. Madje, i keqardhur Bardhi para se të dëshmonte përballë gjykatës, i kërkoi falje nënës së Gentian Beqirit. “Dua t’i kërkoj falje asaj nëne që sot nuk ka të birin nga gabimet tonë, jam i penduar”, ka thënë ai.
Sipas Bardhit, takimi mes tij dhe Ardian e Florenc Çapes është realizuar në Kërrabë, ku këta të fundit i kanë premtuar 50 mijë euro për të vrarë Beqirin. Dhe që nga ai moment ka filluar puna për ekzekutimin e planit.
Discussion about this post