Lot, akuza dhe shpërthime e kanë shoqëruar seancën e mbajtur kundrejt të pandehurve për vrasjen e ish-efektivit Sanitago Malko. Të pranishëm në sallën e gjyqit ishin nëna e Santiago Malkos, Bukurie Malko, motra të ndjerit, si dhe i pandehuri Bledi Teta. Ajo që tensionoi situatën në sallën e gjyqit ishte fakti që nëna e Santago Malkos i është drejtuar Bledi Tetës me fjalët: Maskara, më vrave djalin!
Balkanweb raporton se situata u tensionua dhe u desh ndërhyrja e gjyqtares Atalanta Zeqiri për të qetësuar situatën. Teta, pas qetësimit të situatës, ka kërkuar që të mos bëhen publike deklarimet e tij të dhëna para Drejtorisë së Policisë së Tiranës, pasi sipas tij, ato ia kanë bërë si u ka dashur qejfi.
“Nuk dëshiroj që të japë deklarime u qëndron atyre thënieve që kam dhënë në 19.7.2021 kur ka folur para gjykatës në procesin tim. Nuk dua që deklarimet të lexohen pa praninë e avokatit tim, sepse nuk duhet të merren për bazë ato deklarime të dhëna në drejtorin e policisë Tiranë sepse i kanë bërë siç u deshi qejfi. Po ashtu kam një kërkesë të merret në mbrojte gruaja ime dhe fëmijët e mi sepse janë kërcënuar vazhdimisht dhe po kërcënohen nga zonja dhe banda mbarë e saj,”- tha Teta.
Fjalia e fundit e thënë nga Blendi Teta ka bërë që motra e Santiago Malkos të shpërthente në lot duke i kërkuar llogari për vdekjen e të vëllait. Ajo është ngritur në këmbë duke bërtitur dhe fyer Tetën, gjë që ka detyruar efektivët që ta nxirrnin jashtë nga salla e gjyqit në mënyrë që të vijonte seanca normalisht.
Në fund, trupa gjykuese u tërhoq për vendim në dhomë këshillimi dhe vendosi të pranonte Kërkesën e Blendit Tetës për tu larguar nga salla e gjyqit dhe të rrëzonte kërkesën e prokurorit.
Gjykata e Posaçme e Apelit për Korrupsion dhe Krimin e Organizuar ka dënuar me 25 vite burg Bledi Tetën për vrasjen e ish-policit Santiago Malko, ngjarje e ndodhur në gusht të vitit 2019. Teta u gjet fajtor nga trupa gjykuese si pjesëmarrës në ekzekutimin e Malkos mbrëmjen e 27 gushtit në rrugën “Xhanfize Keko” në Tiranë. Për vrasjen e Malkos, prokuroria akuzon 8 persona, ku në krye të grupit janë dy vëllezërit Duka, Leonardi dhe Erlisi. Klani Duka, i akuzuar për vrasjen përbëhet nga: Leonard Duka, Erlis Duka, Ilir Selmani, Oltian Loga, Ervis Metani, Fatmir Hyseni, Dritan Agaj, Aleksandër Maxhaku dhe Xhoni Nica. Por, në pranga është vënë vetëm Teta dhe Ilir Selmani.
Discussion about this post