Këshilltari ligjor i presidentit Ilir Meta, Bledar Dervishaj ka komentuar vendimin e Gjykatës Kushtetuese për shembjen e Teatrit Kombëtar.
Në fjalën e tij, para mediave, Dervishaj u shpreh se trupa gjykuese hodhi poshtë kërkesën për dëshmitarë, ndërsa vlerësoi kërkesën për thirrjen e ekspertëve në seancën e radhës.
“Sapo ka nisur gjykimi që presidenti ka kërkuar dhe ka pritur prej 2 vitesh. Sot u shqyrtuan kërkesat paraprake për marrjen e provave shtesë që vazhdojnë të mos jepen nga organet kompetente. Pati rrëzim të kërkesës për dëshmitarët. Gjykata vlerësoi që palët të paraqiten me ekspertë. Besojmë që Gjykata Kushtetuese do të sjellë drejtësinë në Shqipëri,”-tha Dervishaj.
