Gjyqtarja e Krujës Enkelejda Hoxha vazhdon t’i drejtohet togave të zeza me kërkesën për gjykim të shkurtuar. Këtë herë të njëjtën kërkesë kanë depozituar edhe 8 të pandehurit e tjerë, ndërsa i vetmi i cili nuk ka kërkuar gjykim të shkurtuar ka qenë Isuf Tanuzi i cili gjithashtu është përfshirë në aferën korruptive të gjyqtares. Megjithatë gjykata e posaçme e ka refuzuar sërish kërkesën.
Kujtojmë se Hoxha u arrestua gjatë një operacioni të zhvilluar nga SPAK në muajin shkurt.
Gjytarja në bashkëpunim me disa persona të tjerë, po përgatiteshin që të nxirrnin nga burgu Sajmir Petanin. Gjyqtarja Hoxha akuzohet se ka marrë shuma nga 6 mijë deri në 12 mijë euro në këmbim të lirimit e të dënuarve për vrasje. Në skemë u zbulua edhe mjeku kardiolog Edvin Prifti pasi nga përgjimet rezultoi se kishte marrë ryshfet për të operuar në QSUT nënën e sekretares së gjykatës, ndërsa aktualisht është në arrest shtëpie
