Para një viti, për të gjetur vendodhjen e ish-Kryeprokurorit Adriatik Llalla, dyshohet se është kërkuar dhe ndihma e agjentëve të FBI.
Ky bashkëpunim me Policinë e Shtetit zbulohet nga komunikimet që janë bërë me e-mail mes Gledis Nanos dhe institucionit të lartë amerikan.
Në to thuhet se FBI kërkon një letër nga Policia e Shtetit për t’i ndihmuar në vendodhjen e fundit të Llallës, ish-adresat në Shqipëri dhe pista të ndryshme që mund t’u vijnë në ndihmë për të gjetur vendodhjen e tij. Po ashtu, në e-mail, theksohet se ata kanë komunikuar me kreun e SPAK, Arben Kraja dhe me prokurorin e çështjes, të cilët ishin të interesuar për të ndjekur çështjen.
Nano mendohet se i ka dërguar dy agjentëve të FBI-se të dhënat lidhur me Llallen si gjeneralitetet, vendi i fundit ku u pa dhe informacion nga TIMS.
Kujtojmë se Llalla u arrestua në Itali, pak ditë pas komunikimit të Nanos, ndërsa prej gati nje viti është në pritje të ekstradimit drejt Shqipërisë ku do të vuajë dënimin me dy vite burg për fshehje dhe mosdeklarim të pasurisë.
Discussion about this post