Policia e Tiranës ka arrestuar dy persona pas finalizimit të operacionit “Couple 1”, ku është goditur një rast i shfrytëzimit të prostitucionit, duke përdorur qendrat e masazheve.
Në pranga janë vënë F. D., 39 vjeç dhe M. E., 33 vjeçe (bashkëjetues), të akuzuar për veprat penale “Shfrytëzimi i prostitucionit” dhe “Mbajtja e lokaleve për prostitucion”.
Çifti i bashkëjetuesve administronin një qendër masazhesh, në rrugën “Shyqyri Bërxolli”, në të cilën kishin punësuar shtetasen I. A., 21 vjeçe. Kjo e fundit është proceduar penalisht.
Discussion about this post