Goditet me thikë në kokë 26-vjeçari në Vlorë, dërgohet me urgjencë në spital (Emri)

Një ngjarje e rëndë raportohet të ketë ndodhur në qytetin e Vlorës këtë të hënë.

Një 26-vjeçar i identifikuar si Klevis Alilaj, është goditur me thikë në pjesën e kokës, në rrethana ende të paqarta.

Burime për mediat bëjnë me dije se i riu është dërguar në spital, i shoqëruar nga policia, ku i është nënshtruar një ndërhyrje kirurgjikale.

Nuk dihet ende se në çfarë rrethanash është goditur i ri. Ndërkohë, policia ka nisur hetimet për zbardhjen e rrethanave të ngjarjes dhe identifikimin e autorit/ëve të sulmit.