PSG ka zyrtarizuar ditën e sotme blerjen e Lucas Hernandez nga Bayern Munchen. Marrëveshja ishte arritur prej ditësh, me mbrojtësin francez që insistoi për t’u larguar nga Bundesliga me destinacion kryeqytetin francez.
Drejtuesit e PSG-së kanë paguar 50 mln euro në arkat e kampionëve të Gjermanisë për kartonin e 27-vjeçarit. Të cilin Bayerni e bleu 80 mln euro tek Atletico Madrid katër vite më parë.
Mbrojtësi i kombëtares franceze (33 ndeshje me Gjelat e Deschamps), i cili luan në qendër dhe në krahun e majtë të prapavijës, ka firmosur një kontratë 5-vjeçare me PSG-në.
Gjatë aventurës gjermane me Bayernin, Lucas fitoi 10 trofe. Mes tyre edhe Champions League (2020).
Hernandez është përforcimi i pestë për skuadrën e Luis Enrique-s. Pas Marko Asensio, Milan Skriniar, Manuel Ugarte dhe Kang-in Lee.
Discussion about this post