Gol i anuluar në “Elbasan Arena”, Dinamo dhe Skënderbeu e mbyllin në barazim pjesën e parë

Është mbyllur pa gola pjesa e parë mes Dinamos dhe Skënderbeut në “Elbasan Arena”. 45 minutat e para kanë pasur pak raste nga të dyja skuadrat, megjithatë asnjëra nuk arriti të gjente golin.

Në minutën e katërt Mensah shënoi për korçarët, por arbitri e anuloi golin për faull ndaj Sforanac.

Në minutën e 12-të Dinamo tentoi portën me Ibrahimin që nisi një top në zonë nga një goditje këndi. Rexhepi arriti të kontrollonte topin, ndërsa “blutë” protestuan për një mbajtje ndaj Çinedu.

Në minutën e 21-të Skuka nis një harkim në zonë, por Rexhepi ishte sërish i vëmendshëm.

Katër minuta nga koha e rregullt e pjesës së parë Sibide gjuajti me kokë, por topi përfundoi në shtyllën e djathtë të portës së korçarëve.

Aktualisht skuadrat janë të dyja me pikë të barabarta (14), me Dinamon që pozicionohet në vendin e shtatë, kurse Skënderbeu në të tetin.