Një gol në sekondën e fundit të ndeshjes i ka mjaftuar Tiranës për të marrë 3 pikë në transfertë ndaj Vllaznisë.
Florent Hasani ka gjetur rrugën e rrjetës në sekondat e fundit të shtesës, duke i dhuruar Tiranës fitoren, ndërsa bardheblutë janë në kuotën e 13 pikëve, duke u renditur në vendin e dytë të Superiores.
Sa i përket ndeshjes, Tirana kishte dy raste të mira në pjesën e parë me Abazaj dhe Hasanin, ndërsa në të dytën, ishte Vllaznia që rrezikoi me Balajn, me gjuajtjen e sulmuesit që u ndal te shtylla.
Nga minuta e 88-të, shkodranët luajtën me një lojtar më pak, pasi Geralb Smajli u ndëshkua me karton të kuq.
Kur dukej se ndeshja do mbyllej barazim, erdhi edhe goli. Në minutën e 97-të, ishte Florent Hasani, i cili pas një inkursioni nga e majta futtë në zonë dhe ia del të shënojë, duke i dhënë fitoren në debutim trajnerit Ahmataj.
Në renditjen e Superiores, Vllaznia ndodhet në vendin e 5-të me 9 pikë.
Discussion about this post