Shoferët me të paktën 3 shkelje dhe pikë të hequra nga patenta, do të ritestohen. Në një intervistë për mediat kreu i Transportit Rrugor, Blendi Gonxhja thotë se kjo risi do të rrisë parametrat e sigurisë pa kosto. Po ashtu, nga viti i ardhshëm, njohuritë për kodin rrugor dhe sinjalistikën do të futen në kurrikulat e shkollave.
“Ata që nuk kanë masa të niveleve që janë shkelje të rënda dhe të përsëritura dhe që janë të niveleve me humbje pikësh ata të jenë krejt të qetë do të vazhdojnë rinovimin me procedurën e deri tanishme. Mbi 3 shkelje të përsëritura të rënda, të rënda quhen ato shkelje që janë me nivel heqje pikësh, për të dhënë një shembull, semafori, manovra shpejtësie, alkooli, përdorimi i celularit që cenojnë rëndë sigurinë e tyre, pasagjerëve dhe përdoruesve të tjerë të rrugës. Kur këto janë të përsëritura, do të kemi një sistem që do të gjenerojë në mënyrë automatike një pyetësor i cili do të jetë në tavolinën e sportelisti i cili do të marrë praktikën e aplikimit për rinovimin dhe që do t’i drejtohet personit duke i thënë meqenëse ju jeni në listën e alertit të një risku për shkak të përsëritjeve të shkeljeve të rënda në qarkullimin rrugor, ju lutemi të na përgjigjeni këtyre 20 pyetjeve”- tha me tej.
Ai gjithashtu tha se shoferët do të marrin një seancë edukative dhe një manual të cilat do të jenë papagesë. Sipas tij, tashmë gjithçka është gati dhe nga 2022 rregullat e qarkullimit do të jenë pjesë e kurrikulave edhe në shkolla.
“Do marrin një seancë edukative, do marrin një manual! Do jenë të gjitha papagesë. Në 2022 ne do jemi në nivelin që do të jetë gabim për çdo institucion që nuk do të përfshirjë edukatën e qarkullimit rrugor në kurrikulën standarde”- tha Gonxhe.
Nga Janar 2020 deri në korrik 2021 janë 12633 drejtues mjetesh të penalizuar për shkelje të rënda dhe 439 prej tyre e kanë humbur të drejtën e përdorimit të lejes së drejtimit, pasi kanë humbur pikët.
Discussion about this post