Kreu i DPSHTRR, Blendi Gonxhja, vazhdon biznesin e makinave me qira, me lekët e arkës së shtetit. Gonxhja ka hapur së fundmi një tender me objekt “Marrje me qira të automjeteve”, për të cilin ka vënë në dispozicion 70 milionë lekë.
Gonxhe planifikon që këto makina të merren me qira deri në janar të vitit 2024. Nuk është përcaktuar se sa makina do të merren, por është e qartë që Gonxhja thjesht harxhon paratë që ka në dispozicion. Sepse stafin i tij nuk ka nevojë për këto makina. Sipas burimeve nga ky institucion, makinat që ka në dispozicion mjaftojnë për shërbime dhe punë private.
Ndërkaq, kujtojmë se Gonxhe e ka kthyer në një biznes këtë marrjen e makinave me qira. Pasi edhe iu siguron nga një makinë për çdo person të stafit, por edhe mbush arkën e firmës që i akordon tenderët. Në fund sigurisht dhe ai merr pjesën e tij të mirënjohjes dhe parave.
Pazaret me makina
Rasti më i fundit ka qenë në mars të vitit 2022. Kur Gonxhes iu publikua skandali, se si mori na paratë e inceneratorit për të marrë makina me qira. Asaj kohe, kompania “Albarent” në pronësi të Drejtorit të Patentave mori mbi 150 milionë lekë të vjetra nga shoqëria koncesionare e landfillit të Sharrës, “Integrated Energy BV”.
Gjatë periudhës 2019-2021, firma “Integrated Energy BV”, që ka fituar kontratën 128 milionë euro për ndërtimin e inceneratorit të Tiranës, ka kryer mbi 70 pagesa në llogari të kompanisë së makinave me qira të Blendi Gonxhes. Kompania “Albarent” është krijuar në vitin 2009 dhe ka pronar të vetëm Blendi Gonxhen. Dhe dministrohet prej vitesh nga bashkëshortja e tij, Elda Gonxhja.
Blendi Gonxhja është një prej bashkëpunëtorëve më të vjetër e më të ngushtë të kryeministrit Edi Rama. Ndër vite ai i ka dhënë Gonxhes postet më të mita dhe hapësira në aferat e mëdha korruptive. Këtu përfshihen edhe benefitet për kompaninë e tij. Gjatë periudhës 2014-2022, kompania e tij “Albarent” ka përfituar rreth 200 milionë lekë nga institucionet publike, referuar të dhënave zyrtare të Thesarit të Shtetit. Dhe kështu, Gonxhja tashmë nuk iu ndahet bizneseve për makina me qira. Me siguri edhe këtë herë do t’i marrë makinat te kompania e vetë me ndonjë emër tjetër!
Lexo edhe: Çmenduria e AKSHI-it, tenderi 3 mld lekë për biletat e Gonxhes
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post