Ditën e sotme kanë dalë në shitje biletat për ndeshjen Teuta-Inter Esklades, e vlefshme për turin e dytë të Conference League.
Ndeshja do të luhet ditën e enjte në orën 19:00 në ‘Niko Dovana’ të Durrësit dhe tashmë në vendin tonë tifozët lejohen të marrin pjesë në 30% të kapacitetit të stadiumeve.
Çmimi i biletave për këtë ndeshje u bë public nga klubi I Teutës në një njoftim në rrjetet sociale dhe do jetë vetëm 500 lekë të reja, shifër kjo shumë e arsyeshme. Ekipi durrsak është favoriti i këtij takimi dhe pritet që të kualifikohet për turin e tretë, ku nëse do ia arrijë përballë do ketë irlandezët e Shamrok.
Njoftimi i klubit të Teutës:
BILETAT NË SHITJE
Të dashur tifozë dhe gjithë ju dashamirës të sportit, ju njoftojmë se ndeshja ndërkombëtare mes klubit tonë KF Teuta dhe Inter Escalades do të zhvillohet me praninë e tifozëve. Biletat do të dalin në shitje diten (e ejnte) nga ora 10:00 në pikën e shitjes në Durrës!
• “Stadiumi Niko Dovana” Ndeshja zhvillohet të enjten, 22.07.2021, në ora 19:00, në stadiumin “Niko Dovana” në Durrës. Ju mirëpresim!/Gijotina.com
