Vetëm pak minuta më parë është grabitur me armë filiali i Postës Shqiptare në Gjirokastër. Sakaq, bëhet me dije se një 32-vjeçar i quajtur Armando. K është arrestuar pas 10 minutash, pasi dyshohet të jetë autori i ngjarjes. Sipas të dhënave, 32 -vjeçari nën kërcënimin e armës mësohet se ka hyrë në zyrën e Postës Shqiptare në Pazarin karakteristik të qytetit të Gjirokastrës, dhe ka marrë një shumë prej 300 mijë lekësh tek sporteli ku po ndaheshin pensionet.
I riu nga Vlora emigrant në Greqi pasi ka marrë të hollat është përpjekur që të largohet nga vendi i ngjarjes, por policia e ka kapur vetëm 10 minuta pas ngjarjes. Arrestimi i tij është bërë në zonën e ish Poliklinikës në lagjen Meçitë. Ndërsa vijon puna për zbardhjen e plotë të kësaj ngjarje.
Discussion about this post