Një grabitje me armë ka ndodhur në fshatin Boriç i Vogël në Malësinë e Madhe. Ka qenë ora 00:10 e mesnatës, kur dy persona të armatosur kanë hyrë në banesën e shtetasit Ndue Ulaj.
2 persona që janë prezantuar si efektiv policie kanë marrë 1 mijë euro dhe rreth 5 mijë euro vlerë në arë.
Ata i kanë drejtuar armën djalit të vogël të familjes, vetëm 12 vjeç dhe më pas kanë grabitur bizhu me vlerë 5 mijë euro dhe kanë marrë 11,500 euro cash. Gjithashtu, arma i është drejtuar edhe gjyshes 80-vjeçare.
I zoti i shtëpisë thotë se ka njoftuar policinë përmes një telefoni të komshinjve por sipas tij efektivët kanë ardhur me vonesë pas një ore nga momenti i njoftimit. 36-vjeçari shprehet se ai dhe familja e tij ndjehen të pasigurt dhe se tashmë jetojnë me një frikë të madhe.
Ndue Ulaj tha se paratë i ka tërhequr nga një bankë në Shkodër nga kursimet disa vjeçare nga puna si taksist me idenë për të ndërtuar edhe katin e dytë të banesës dhe se ato para nuk janë të pista sepse është letra e bankës që vërteton tërheqjen e shumës prej 11500 euro para dy tre ditësh. BW shkruan se 36-vjeçari i kërkon policisë, prokurorisë dhe kryeministrit zbardhjen e çështjes ndërsa u shpreh se tashmë do të gjejë një armë që ta mbajë me vete sepse do të mbrojë fëmijët dhe familjen e tij. 36-vjeçari shprehet se fëmijët dhe familja e tij janë tejet të stresuar nga ajo ngjarje e rëndë dhe kanë pësuar një traumë psikike duke e përjetuar aspak mirë. Grabitësit kanë qenë vetëm me kapele të pamaskuar dhe pas grabitjes janë larguar jo nga rruga kryesore e fshatit por nga një rrugë tjetër dytësore teksa janë larguar në këmbë në drejtim të paditur.
