Ditën e sotme është me dije lajmi se shtëpia e yllit të Interit, Artura Vidal ka rëndë pre e grabitjes. Vila e kilianit e ndodhur në zonën rezidenciale të Como, më datë 7 nëntor është grabitur gjatë kohës kur Vidal ishte në fushë duke luajtur në Derbin mes Milan dhe Inter në San Siro.
Në oborrin e shtëpisë, Vidal kishtë të parkuara mjetet Ferrari 448 Spider, Mercedes Benz G-Class Brabus AMG G700, një G-Class tjetër për terrene të vështira malore që kap vlerën e 400.000 euro, Volvo XC90 dhe dy Fiat Panda.
Sipas raportimeve thuhet se G-Class Brabus është mundur të vidhet, ndërsa grabitësit kanë tentuar të marrin edhe Mercedesin tjetër por pa sukses. Gjithashtu ata kanë tentuar të ndezin edhe Ferrarin por nuk ia kanë dalë dot.
Grabitësit gjithashtu kanë patur të gjithë kohën e nevojshme për të hyrë edhe në banesë, ku e kanë kthyer shtëpinë ‘përmbys’ duke vjedhur edhe çdo send argjendarie që patën mundësi të gjejnë.
Karabinierët e zonës raportojnë se gjatë kësaj periudhe ka patur ‘thyerje’ edhe në banesa të tjera të zonës, dhe po punohet për zbardhjen e ngjarjes.
Discussion about this post