Policia e Durrësit në bashkëpunim me atë të Elbasanin kanë arrestuar një person me precedent të theksuar për vjedhje në disa qarqe.
Në kuadër të operacionit policor të koduar “Saga” është vënë në pranga shtetasi Teki Halilaj, 29 vjeç, banues në Skrapar.
I riu akuzohet se ditën e djeshme në lagjen nr.13 të qytetit bregdetar ka vjedhur automjetin dhe celularin e shtetasit A. Sh. Gjithashtu, në të njëjtën ditë Teki Halilaj në një hotel në lagjen nr. 14, ka vjedhur çantën me para dhe me sende personale të një turisti nga Bosnje Hercegovina, shtetasit A. T.
Pas grabitjeve ai ka ikur drejt Elbasanit, ku pas bashkëpunimit mes Policive të dy qyteteve është kapur pas disa orësh.
Nga verifikimet e mëtejshme ka rezultuar se 29-vjeçari ishte në kërkim edhe nga Policia e Tiranës, për 4 vjedhje të tjera.
Policia raporton se ka sekuestruar makinën, dy telefona, një medalion floriri, një parfum, syze që dyshohet se janë përfituar nga ky aktivitet.
Discussion about this post