Autori kryesor i grabitjes së bankës në Greqi, me origjinë nga Fieri është ekstraduar sot drejt vendit tonë. Bëhet fjalë për 44- vjeçarin Afrim Kocaqi, i cili ishte i shpallur në kërkim ndërkombëtar dhe në vitin 2014 ndaj tij është vendosur nga Gjykata 4 vite burgim për veprën penale “Pastrimi i produkteve të veprës penale”. Policia jep detaje se Kocaqi fuste në bankë para të pajustifikuara dhe ishte pjesëmarrës në grabitjen e bankës në Greqi.
“Nga hetimet paraprake ka rezultuar se shtetasi Afrim Kocaqi (mbiemri i mëparshëm Muço), ka kryer derdhje cash të shumës prej 3.100.000 lekë në një bankë të nivelit të dytë në Tiranë, veprim financiar pa asnjë përshkrim justifikues i kryer në vitin 2011”, thuhet në njoftimin për shtyp nga policia.
Si ndodhi grabitja?
Afrim Kocaqi kishte bashkëpunuar me tre persona të tjerë duke kryer vjedhjen e bankës në Egjira Greqi në vitin 2011 nëpërmjet përdorimit të armëve të zjarrit .
Pas dënimit të kryer në Greqi, ekstradohet për shlyerjen e dënimit të mësipërm të vendosur nga autoritetet tona gjyqësore.
