Policia ka konfirmuar grabitjen në Divjakë pas denoncimit të deputetit Saimir Korreshi.
Burime zyrtare bëjnë me dije se “pasditen e sotme, në një pikë këmbimi valutor, një person i vetëm ende i paidentifikuar, dyshohet se nën kërcënimin e armës ka vjedhur një shumë parash dhe më pas është larguar me shpejtësi”.
Nga ana e Policisë janë ngritur pika kontrolli dhe vijon kontrolli i zonës për të bërë të mundur kapjen e autorit, vijon njoftimi i bluve.
Grupi hetimor ndodhet në vendin e ngjarjes dhe vijon punën për fiksimin e çdo prove materiale që do shërbejë për zbardhjen e ngjarjes, identifikimin dhe kapjen e autorit, shtuan të njëjtat burime.
Discussion about this post